Hvað gerir þú?

Hvað er flott starf og hvað er ekki flott.  Snúast ekki flest eða öll störf um fólk, Kemur þetta ekki allt niður einhvers staðar á okkur.  Ég held að þetta tengist allt einhvern veginn saman og reynslan sé ómetanlegur styrkur sem gerir okkur hæf til að skila góðu og nýtu verki.  Ég hef verið að rekast á fólk hér og þar sem ég þekki og í leiðinni rifjað upp hin ýmsu störf sem ég hef unnið.  Td er ég ekki í vafa um að bæjarstjórinn í vogum nýtir sér það að hafa unnið í ruslinu og Læknirinn á lansanum er að byggja á einhverju leiti á bygginga vinnunni.  Fólk fer í ýmsar áttir sem ómögulegt er að sjá fyrir.  Það er 20 ára ferminga afmæli á næstunni og er það mjög gaman  og að sama skapi forvitnilegt að sjá hvað fólk hefur tekið sér fyrir hendur og hvað ekki?

Vonandi verður hann ekki seinn?

Oft getur það verið broslegt hvað ég get verið vanafastur oft á tíðum.  Eftir áralanga notkun á strætó hef ég komið mér upp hinum ýmsu grátbroslegum kækjum.  Upp á síðkastið hefur það tekið uppí tvo tíma að komast heim og á ég það til að bölva og jafnvel sparka í opin biðskýlin, ekki fast þó.  Þó ég sé oft vanafastur þá hefur strætó aldrei vanist en ég hugsa alltaf vonandi verður hann ekki seinn í dag.  í morgun fór ég út á svalir og reykti fyrstu rettuna í rigningu og roki.  Eftir rettuna renndi ég upp úlpunni og hugsaði vonandi verður hann ekki seinn í dag.  Það sem gerði það að verkum að ég fattaði hvar ég var, var það að ég fékk mér sopa af kaffinu og glotti, hvað ertu að standa hér úti á svölum.  Það gengur enginn strætó uppá svalir á suðurgötunni 

Þekkt persóna týndi hring?

Núna þurfum við að taka til hendinni.  Ég tók sem betur fer eftir því í tapað fundið í morgunblaðinu á fimmtudag að þekkt persóna hafði týnd hringnum sínum við kringluna í síðustu viku?  Núna er laugardagur og ég ekki en farinn að leita að hringnum.  Því vill ég skora á alla sem ég þekki að koma fyrir utan kringluna kl átta í fyrramálið og leita að hringnum.  Ég minni á að þetta er þekkt persóna sem týndi hringnum?

Látum Eið og Magnús tala við landsliðið

Alfreð Gíslason sagðist hafa legið á bæn fyrir leikinn á móti frökkum og beðið fyrir því að ákveðinn leikmaður færi að skora fyrir landsliðið.  Stuttu eftir að leikurinn hófst sá maður að Alfreð hafði ekki verið bænheyrður.  Það vakti mig til umhugsunar hvort við værum nokkuð að gera of miklar kröfur til leikmanna landsliðsins, þetta eru allt atvinnumenn í greininni og kröfur eru hluti af vinnuumhverfi þeirra.  Ég held nú alveg að menn séu að leggja hjartað í þetta og vilji vel, en það er helv hart að menn í skyttustöðu þurfi nokkra leiki til að koma sér í gang.  Kannski eigum við ekki betri leikmenn til að spila með landsliðinu en eiga menn að halda sætinu ef þeir spila mjög illa fyrstu leikina á stórmóti?  Kannski ættum við að taka upp gamla ungmenna andann og leyfa fleirum að vera með.  Mikið er talað um lítið sjálfstraust leikmanna og held ég að réttast væri að senda landsliðið á skólabekk hjá mönnum eins og Eið Smára og Magnúsi Ver t.d.  

Úreltir Kjarasamningar

Ég var að reyna að komast inn á vissa linka á síða SFR til að kanna kjarasamninga en auðvitað varð skjárinn auður alltaf á versta tíma?  Er þetta ekki típískt, Allir vilja að þú vinnir þína vinnu af krafti og heilindum en oft er fólk ekki að fá það til baka sem það á inni.  Vandamálið með kjarasamninga er það að þeir oft svo fáranlega langt frá raunveruleikanum að það nær engri átt.  Matvís er alltaf eldsnöggir að klára kjarasamninga enda vita þeir að það fer enginn eftir þessum samningum sem þeir koma í höfn.  Kjarasamningarnir hjá þeim eru tíu til fimmtán árum á eftir.  Það eru fimmtán ár síðan ég byrjaði að þjóna fyrst og en hef ég ekki hitt framreiðslumann eða matreiðslumann sem  er á launum eftir kjarasamningum og það segir allt sem segja þarf.

Þarf Lögreglan byssur?

Fréttir af útlendingum á Íslandi tröllríða fjölmiðlum þessa dagana, margir útlendingar setja skemmtilegann svip á mannlífið og bæði krydda það og bæta.  Hópur ungs fólks í Reykjanesbæ hefur stofnað félagið ÍSÍ,eða Ísland fyrir Íslendinga enda kaninn farinn og ekkert orðið að gera í Keflavíkinni?  Ég sá nú blaðaviðtal við þessa krakka og var hún svo barnaleg að ég held að þau ættu nú frekar að reyna að mæta í stoðtíma í Íslensku heldur en að halda út þessari vitleysu sem þau hafa ekkert vit á.  Ég vinn nú með nokkrum útlendingum sem eru að gera fína hluti hver á sýnu sviði enda er ekki hægt að setja alþjóðlegt samfélag sem Ísland er orðið undir einn hatt.  En ekki eru allir útlendingar að gera góða hluti eins og þeir sem réðust á lögregluna, árásin virðist hafa verið skipulögð og fyrsta sem mér datt í hug væri hvort lögreglan þyrfti orðið að ganga með byssur því ég held að gamla góða kylfan og flautan séu orðinn úrellt eða var kannski ekkert sprey í vasanum hjá lögreglunni.  Það er langt síðan miðbærinn breyttist til hins verra og ég held að lögreglan þurfi að vera viðbúinn alveg einsog sýnileg 

Morgunblaðið breytti fyrirsögninni minni?

Um daginn birtist blogg eftir mig í morgunblaðinu með fyrirsögninni "Eru feministar djöfullegir".  Í fyrirsögninni var ég að velta fyrir mér staðhæfingu hjá pretikara á sjónvarpsstöðinni Omega sem sagði að það væru djöfulleg öfl í gangi í þjóðfélaginu sem kallast femistar.  Ekki veit ég hvort morgunblaðinu hefur hlupið kapp í kinn eða hvort þeir hafi viljað koma sínum skoðunum að vegna þess að þeir breyttu fyrirsögninni og skrifuðu "Djöfullegir femistar".  Sitt sýnist hverjum en morgunblaðið verður bara að blogga fyrir sig og ekki vera að nota mig til að koma sýnum skoðunum á framfæri enda er ég annálaður vinur femista, allavega finnst mér femistar ekki vera "djöfullegir".

Ert þú í Halla og Ladda leik

Ég hef verið þónokkuð í heimsókn niðri á Landsspítala síðustu daga og var bent á það hvað það væru margir útlendingar í láglaunastörfunum t.d þrifunum.  Það var svo sem augljóst en ég fór samt að hugsa það hvað það væri lítið um bros á vörum fólksins sem var að þrífa.  Í kringum áramót hugsaði ég liðið ár og fór að hugsa um námskeið sem ég fór á hjá SSR.  Þar var dönsk kona sem vinnur hjá SSR að kynna verkefnið fiskinn sem er í gangi hjá SSR.  Fiskurinn gengur út á það að allir eru glaðir og hressir í vinnunni.  Hún sagði að aldrei hefði vantað jafn lítið af fólki á starfsstöðvar SSR og bað síðan um spurningar.  Ég rétti upp hönd í anda verkalýðsins og spurði hvort það hefði bara ekki verið erfitt að manna starfsstöðvarnar út af lágum launum.  Sú danska horfði á mig og bað um næstu spurningu en ég glotti við tönn.  Ég skil ræstitæknana á landspítalanum vel að nenna ekki að vera í einhverjum Halla og Ladda leik í vinnunni, kannski væri rétt að mæla þessa svokölluðu velmegun á þeim lægst launuðu? 

Ágætis frasar.

Á littlu ferðalagi í gegnum blogg heiminn birtist Margslúnginn tilfinningar rússibani sem inniheldur t.d pirríng, gleði, dónaskap, samúð, fordóma, skilning, misskilnig.  Ólgandi orka þeytist í gegnum huga fólks þannig að fólk lemur lyklaborðið og óskaði sér að það gæti frekar talað við tölvuna frekar en að pikka bloggið inn.  Sumt rétt en sumt rangt eins og gengur og gerist.  Ég hef séð fólk tengt við glæpi sem það átti engann þátt í og held ég að við bloggarar ættum að hugsa allavega vel um að hafa staðreyndir og mannanöfn á hreinu áður en við dæmum fólk og málefni.  Í svona littlu samfélagi er auðvelt að finna tengsl hér og þar.  "Sá yðar sem syndlaus er kasti fyrsta steininum".  Ekki ætla ég að hvítþvo sjálfan mig neitt með þessu bloggi, ég hef sett blogg sem gæti hafa sært einhvern en allt í einu mundi ég hinn frasann sem hljóðar svona"aðgát skal hafa í nærveru sálar.

Eru feministar djöfullegir ?

Það gengur djöfullegur andi laus sem heitir feministar sagði pretikarinn á Omega sem eitt sinn þjónaði hjá þjóðkirkjunni.  Konur eiga að vera undirgefnar manni sínum segir í biblíunni, konan á að sýni manni sínum lotningu en auðvitað elskum við konurnar okkar og þær mega leggja eitthvað til málanna en við eigum að eiga síðasta orðið.  Maðurinn er höfuð fjölskyldunnar, ekki keyrir konan bílinn, nú?  Eftir að pretikarinn hafði lokið máli sýnu voru sýnd tvö myndbönd og auðvitað voru forsöngvaranir kvenkyns mér til mikillar furðu auðvitað?  Ég sé fyrir mér nýjan raunveruleika þátt sem á eftir að slá í gegn, hlýtur að fara í loftið á nýju ári.  Omega er mögnuð sjónvarpsrás sem kemur alltaf á óvart en handritið er skrifað úr biblíunni?