Heljartak Sólons

Síðustu daga hef ég ekki komist upp í hesthús vegna anna?  Þar býr vinur minn fjórfætlingurinn Sólon.  Sólon er 12 vetra hestur frá flugumýri í skagafyrði, bleikálóttur að lit og allur hinn fallegasti að utan sem innan.  Sólon tekur mér alltaf með jafnaðargeði þó svo hann hafi sitt skap og sé ekki á allra færi.  En eitt er það sem Sólon er snillingur í og það er að láta mig fá samviskubit og það er það sem er búið að vera að hrjá mig í morgun, en nú birtir til?  Á leiðinni heim áðan kom ég við í hestabúðinni og verslaði hitt og þetta.  Á morgun verður Sólon að spóka úti í gerði með nýjasta múlinn í mosfellsdal,hnakkurinn verður mjúkur sem aldrei fyrr, eigandinn verður í nýjum reiðbuxum og loksins hestinum sæmandi.  Eftir að hafa síðan tölt um dalinn fer Sólon í freyðibað upp úr horse salon sjampói og að sjálfssögðu í greislu þar á eftir.  Þegar eigandinn heldur heim á leið er Sólon vanur að fá brauðbita og heytuggu, en fyrst það er 15 mai á morgun þá fær Sólon auðvitað eggersmann hunangsgláða súkkulaðibita til að japla á.  Já hann Sólon hefur heljartak á eiganda sýnum  

Athugasemdir

[Jón Bjarki Jónatansson (IP-tala skráð) 14.5.2007 kl. 17:08]

Sæll frændi

Flott síða og hugleiðingar.

Gangi þér vel.

 Kv Nonni

[Eysteinn Skarphéðinsson, 17.5.2007 kl. 22:27]

Takk fyrir það Nonni,sömuleiðis