Þolinmæði strax

Ég reyni oft að taka smá hugleiðslu með fyrsta kaffibollanum á morgnana og geri heiðarlega tilraun til að ákveða daginn.  Oft tek ég eitt hugtak fyrir og reyni að einbeita mér að því og í morgun var það þolinmæðin.  Þegar leið á daginn sá ég að þolinmæðin kemur við sögu margoft yfir daginn og miklu oftar en ég hafði spáð í.  Ég þarf að sýna þolinmæði er ég býð eftir strætó, í sjoppunni, í sambandi við vinnufélagana, vinina, vinnuveitendur, umferðina, fjölskylduna, bankann og ég gæti haldið endalaust áfram.  Þetta leiddi hugann að því þegar ég var gutti og spurði mömmu hvað ég ætti að gera, þá svaraði sú gamla taka hnút og skera hreint óþolandi svar.  Já þolinmæðin getur verið erfið en það versta við þetta er að ég hef ekki þolinmæði til að bíða eftir að verða þolinmóður

Athugasemdir

[Rakel (IP-tala skráð) 11.5.2007 kl. 12:15]

Hmmm, gæti nú lánað þér smá skammt af þolinmæði, held ég hafi fengið of stóran skammt af henni

Rakel