Eru feministar djöfullegir ?

Það gengur djöfullegur andi laus sem heitir feministar sagði pretikarinn á Omega sem eitt sinn þjónaði hjá þjóðkirkjunni.  Konur eiga að vera undirgefnar manni sínum segir í biblíunni, konan á að sýni manni sínum lotningu en auðvitað elskum við konurnar okkar og þær mega leggja eitthvað til málanna en við eigum að eiga síðasta orðið.  Maðurinn er höfuð fjölskyldunnar, ekki keyrir konan bílinn, nú?  Eftir að pretikarinn hafði lokið máli sýnu voru sýnd tvö myndbönd og auðvitað voru forsöngvaranir kvenkyns mér til mikillar furðu auðvitað?  Ég sé fyrir mér nýjan raunveruleika þátt sem á eftir að slá í gegn, hlýtur að fara í loftið á nýju ári.  Omega er mögnuð sjónvarpsrás sem kemur alltaf á óvart en handritið er skrifað úr biblíunni?

Omega að safna?

Ég hef tekið eftir því að Omega er með söfnunar átak í gangi hjá sér til að geta stækkað umsvif stöðvarinnar.  Á línuriti sést að Omega hefur tekist að safna tveimur af tólf milljónum sem vantar til að geta breitt út boðskapinn um Jésú krist.  Omega menn eru mjög bjartsýnir og eldmóðurinn skín í gegn.  Eiríkur og félagar hafa samt verið gagnrýndir fyrir það að hafa þegið fé af fólki sem hefur kannski ekki geðheilsu og fjárhagslega getu til að styrkja þá?  Guðsríki er greinilega mjög hlynnt erlendu vinnuafli vegna þess að erlendir prétikarar taka virkan þátt í söfnunni á skjánum.  Eftir stutta umhugsun held ég að ég sé kominn með góða hugmynd fyrir Omega menn,  talið við Brimborgar menn og seljið bílana ykkar,  sparið ferðapeningana hjá erlendu pretikurunum og seljið öll þessi flottu jakkaföt í kolaportinu.  Einnig gæti það verið sterkur leikur að banna öryrkjum og einstæðum mæðrum að gefa í söfnunina og öllum þeim sem eiga um sárt að binda, munið ef þið gefið þá gefur Guð?

Blessuð trúin

Þegar ég vakna á morgnana og geri mér grein fyrir því hvar ég er staddur og hvort ég sé á förum í vinnu eða hvað þá byrja hinar og þessar pælingar að streyma í kollinn á mér, um daginn var það blessuð trúin?  Trúin er eitt það viðfangsefni sem mest hefur verið rifist um í gegnum tíðina en ekki nenni ég að rífast um hana hérna.  Hins vegar getur verið gaman að ræða trúmál og fá skoðanir annarra, það gerir manni bara gott en það virðist alltaf vera þannig að sumir þurfi að flækja málin of mikið fyrir sér.  Það minnir mig á manninn sem hitti einu sinni í rútu á leið vestur, þessi maður fræddi mig um það að sannleikurinn væri allur af eðlisfræðilegum toga og ekki rengji ég það en þegar ég steig út úr rútunni þá var eins og ég væri að koma úr fornleifafræðitíma.  þessi hafsjór af fróðleik var eiginlega búin að breytast í forarpytt.  aðrir taka sér skýrn á fullorðnis árum og kveðja gamla lífið og allt sem því fylgdi, byrja að bera út fagnaðarerindið og lifa eftir boðorðunum enda með hreint borð?  Aðrir verða fyrir fordómum út af trú, einsog Írakinn sem ég tók glas með forðum í danaveldi, hann var útskúfaður af dönsku kvenþjóðinni um aldur og ævi fyrir það eitt að kíkja í kóraninn af og til og bað mig endilega um að hjálpa sér, ég sagðist ætla að biðja fyrir honum???