Þakklátur egóisti

jæja þá eru hátíðarhöldin að hverfa frá í bili að minnsta kosti. Hvað mun gerast nú á nýja árinu ? Ég skrifaði hér um daginn að ég setti mér stundum takmörk fram í tímann og en geri ég það, en lífið getur verið svo breytilegt að erfitt er orðið að spá eða plana neitt þannig séð. Áramótaheitið var að reyna hugsa vel um mig og taka á málum strax í byrjun því lífið virðist vera eitt stórt verkefni.

 Ég er egóisti að upplagi og er það full vinna að halda því niðri en mér hefur reynst best að halda því niðri með því að hjálpa öðrum við hin ýmsu verkefni upp á síðkastið, á maður kannski ekki að skella því á netið eða, en allir í mínum hóp eru égóistar ? Þessar hremmingar sem ganga yfir landið hafa fengið mig til að hugsa um þakklætið sem ég gleymi ansi oft, en það er auðvitað af því ég er egóisti.

Ég á góða fjölskyldu, duglegt fólk sem er alltaf til í að hjálpa hvort öðru og það veit ég með vissu að ekki hafa allir aðgang að slíku. Ég á góða vini sem sanna sig sem slíkir alltaf reglulega. Það eru spennandi tímar framundan.

Þetta blogg er orðið svona dagbókar hugleiðingar blogg og það er hið besta mál enda veitir ekki af tappa af enda er held ég gott fyrir mig að skrifa niður orðin egóisti og þakklæti því ég á jú til með að gleyma þessum hugtökum

Hver er að mótmæla ?

Hverjir eru að mótmæla? Er það fólkið sem er búið að vinna í tuttugu til þrjátíu ár eða er það fólkið sem er í háskólanum eða öðrum skólum jafnvel bara manneskjan sem var við hliðina á þér á kaffihúsinu í dag. Er það sá sem var að missa vinnuna eftir stanslaust strit á lúsar launum eða er það náunginn sem stefnir á atvinnumarkaðinn eftir nám.

 Er það kannski náttúruverndar manneskjan sem vill ekki álver. Er það kannski maðurinn sem ræður ekki lengur við bílalánið eða er það sá sem á erfitt með að ráða við hækkandi matvöruverð. Er mótmælandinn ungur að árum eða er hann kominn á efri ár.

Er það fjölskyldumaðurinn eða er það einstæðingurinn. Maður veit ekki. 

Tengdur í gegnum Saltkjöt og email

Það er saltkjöt í matinn í kvöld, þegar ég tók það úr frystinum kom nístandi verkur í bakið.  Ég hugsaði hvað ég ætti nú bágt og því næst kveikti ég á tölvunni og kíkti á póstinn minn og sá að Gísli vinur minn hafði sent mér mail sem sagði í raun, mikið hefurðu það gott.  Fyrir rúmum tveimur árum var erfiður róðurinn í lífsins ólgusjó, lausnirnar voru innantómt tómt þras og skortur á raunsæjum lausnum í bland við framkvæmdar vinnu.  Draumurinn um að stunda mína vinnu og sinna minni fjölskyldu sem og mínum áhugamálum gerðist ekki með því að stunda bara dagdrauma, verklegi þátturinn skipti miklu máli auk þess að vinna oft á móti mínum hvötum og stíga skrefið þó svo hugurinn segði allt annað.  Gömlu góðu gildin eiga svo oft við sem og gömlu frasarnir.  Ég kíkti að Holtsmúla að kíkja á hryssuna mína í gær, heimsóknin þangað gaf mér ofboðslega mikið einsog vanalega og er sérstaklega gaman að finna hvað það er mikill kraftur í sveitasælunni, þennann kraft hefði ég aldrei fundið fyrir tveimur árum enda var ég ekki tengdur við eitt né neitt þá, enda var ég bara ótemja rétt einsog hryssan í gær 

Hvað gerir þú?

Hvað er flott starf og hvað er ekki flott.  Snúast ekki flest eða öll störf um fólk, Kemur þetta ekki allt niður einhvers staðar á okkur.  Ég held að þetta tengist allt einhvern veginn saman og reynslan sé ómetanlegur styrkur sem gerir okkur hæf til að skila góðu og nýtu verki.  Ég hef verið að rekast á fólk hér og þar sem ég þekki og í leiðinni rifjað upp hin ýmsu störf sem ég hef unnið.  Td er ég ekki í vafa um að bæjarstjórinn í vogum nýtir sér það að hafa unnið í ruslinu og Læknirinn á lansanum er að byggja á einhverju leiti á bygginga vinnunni.  Fólk fer í ýmsar áttir sem ómögulegt er að sjá fyrir.  Það er 20 ára ferminga afmæli á næstunni og er það mjög gaman  og að sama skapi forvitnilegt að sjá hvað fólk hefur tekið sér fyrir hendur og hvað ekki?

Bráðum koma blessuð Jólin

Mikið var gott að leggja sig aðeins í strætó í kvöld á leiðinni úr vinnunni í þjóna vinnunna.  Það getur nefnilega verið smá kúnst að koma sér í þjóna gírinn eftir langa dagvakt.  En þegar ég vaknaði í strætó niðrí bæ varð ég mjög ánægður að vera búinn að öllu og hugsaði með mér að jólin mættu nú alveg koma bara.  Jólagjafirnar rötuðu allar í réttann gjafapappír, þó svo að þær séu ívið fleiri en oft áður en það var fyrirfram ákveðið.  Í ár akvað ég að gefa fleiri pakka og var það næstum farið allt í rugl en bjargaðist með áfyllingar gjöfum eins og ég kalla þær en það eru gjafirnar sem ég kaupi í biðröðunum við kassann þegar ég man ekki fyrir hverja ég er búinn að kaupa gjafir?  Já það verða engin hlaup fyrir hádegi á aðfangadag, heldur verður tilhlökkun og gleði og vonandi njótið þið Jólanna.  Gleðileg Jól

Ertu hissa?

Í gegnum tíðina hefur fólk oft orðið hissa á hvað ég hef tekið mér fyrir hendur.  Td Þegar ég hætti í íþróttum og fór að læra framreiðslu, sumt fólk var ekki alveg að sjá að ég myndi fara að standa mig þar,enda héldu margir að boltinn yrði frekar lengri ferill  sá bara fyrir sér fljúandi diska og tæknivillur.  Eins þegar ég fór að vinna með fötluðum urðu margir hissa og furðuðu sig á því hvernig mér hafa dottið þetta í hug? Eg var spurður um daginn afhverju ég hafi byrjað að blogga, við því hafði ég í raun ekkert svar alveg eins og ég veit ekki uppá hár hvað ég verði að gera eftir nákvæmlega ár þó svo ég hafi kannski einhverja beinagrind af stefnu fyrir líf mitt.Í dag er ég lærður þjónn að mennt og vinn við það í aukavinnu og stend mig bara vel í vinnunni með fötluðum.  Kannski erum við bara oft að móta okkur skoðanir á fólki sem eru alveg útí hött eins og ég um daginn þegar ég var alveg viss um að stelpa ein úr keflavík væri tveggja barna móðir og byggji í Rkv, en hún er en barnlaus og býr í Keflavík, ég var búin að stimpla hitt inn?

Júlía Margrét Alexandersdóttir þarf að upphefja sjálfan sig?

"Síðustu mánuði, í önnum og of stuttum sólarhring, hefur heimilishald hér um bil lotið sömu lögmálum og meðalgott greni á Rauðarástíg."  Svona hefst pistill sem Júlía skrifar í aukablaðið Hús og heimili um helgina.  Í pistlinum lýsir hún því hvað hún og maðurinn eða húsbóndinn eins og hún kallar hann eru miklir sóðar og láta letina hindra þau í að taka til.  Hún hefur undarfarið kallað manninn sinn Jóa og hann kallað hana Guggu og vísa þau þar í ógæfufólkið þekkta sem ég gæti vel trúað að lesi blöðin eins og aðrir og myndi eflaust sárna ef þau læsu þetta og sæju að þau væru samnefnari fyrir ruslara lýð eins og Júlíu og húsbóndann hennar.  Í pislinum lýsir Júlía því hvernig hún hefur þurft að fleygja sér í gólfið þegar gestir komu til hennar og hún ekki getað svarað bjöllunni vegna skömm útaf óþrifnaðinum, "en þetta virðist gerast á bestu bæjum" segir Júlía til af afsaka sig, en ég segji nei þetta gerist hjá svona lýð eins og ykkur.  Júlía talar um rónatímabil í pistlinum enda kalla þau sig Jóa og Guggu.  Ég spyr kæra Júlía þarftu að vera að skrifa í fjölmiðla og nota heimilislausa til að upphefja þig og þína, hefurðu komið heim til Jóa og Guggu eða spurðirðu þau hvort þú mættir nota þau til að til að sýna hvað það væri ruslaralegt heima hjá þér.  Í lokin á pistlinum segist Júlía ætla að taka sig taki?  Það er greinilegt að Júlía þarf að taka sig taki á fleiri stöðum en heima hjá sér, það fyrsta sem hún ætti að gera væri að skammast sín og vera ekki að níðast á minnimáttar.

Ertu í Jólaskapi?

Ég rölti út í búð áðan og um leið og græni karlinn birtist á ljósunum fór ég að hugsa það hvort ég væri kominn í jólaskap?  Var ekki alveg viss en hugurinn fór að tengja við jólinn.  Ég er einn af þeim sem tek þetta á síðustu dögunum þó svo ég hafi séð jólagjöfina hans Arnórs frænda fyrir tveimur mánuðum.  Í búðinni var fullt af hlutum sem tengdu mig jólaskapinu, td hnetur sem Pabbi var ansi hrifinn af og fullt af nammi sem ég eins og flestir háma í mig á jólunum, þarna rakst ég á ansi skemmtilegann jólasvein sem ég verslaði auðvitað með namminu auðvitað.  Handan við hornið voru ansi skemmtilegar inniseríur sem ég verslaði auðvitað með öðrum nauðsynjum.Þegar ég kom á kassann rétti ég stráknum kortið og borgaði himinháan reikninginn og hugsaði með mér glottandi jú jólin eru að koma  Nú þarf ég að leggja höfuðið í bleyti og finna upp á jólahefð sem ég fer í með kærustinni og litlu hennar ef tími gefst fyrir vinnu og öðru veseni, datt hugmynd inn rétt í þessu, auðvitað jólagjafir handa hestunum hvað annað.  S.S búin að ákveða að láta jólaskapið koma inn og hafa það gott með vinum og vandamönnum.  Gleðileg Jól 

Mikilvægt símtal?

Um daginn sendi ég mail í sambandi við mál sem ég er að vinna í og fékk svar um að hringja í viðkomandi þann 10.12.  Oft geta ákveðinn samtöl haft gríðarlega mikil áhrif á líf okkar, ekki veit ég hvernig þetta símtal mun ganga en það gæti ráðið úrslitum um það hvað ég mun vinna við í framtíðinni eða kannski ekki.  Þetta símtal mun kannski hafa áhrif á fólkið í kringum mig og þeirra líf.  Kannski verður þetta mitt mikilvægasta símtal um ævina og kannski ekki.  Ætli við eigum bara ekki öll ákveðin fjölda af símtölum sem hafa mikil áhrif á líf okkar, ég vona að það verði ekki á tali, eða viðkomandi viðmælandi verði ekki veikur eða eitthvað en verra eins og að símkerfið hrynji þann 10.12

Tímaeyðsla

Voðalega getur maður dottið niður á lágt plan stundum.  Ég fór eitthvað að hugsa þetta þegar ég var að vafra á netinu í morgunn og smellti á myndir af brúðkaupi hjá JÁJ og IP  í morgun.  Fyrsta myndin kom á sjáinn af einhverju fólki gangadi í átt að kirkjunni sem ég kannaðist ekki við þannig að ég smellti á næstu mynd, nei hingað og ekki lengra, bíddu þú hefur engann áhuga á þessu og vertu ekki að eyða tíma í þetta.  Þú sem ert að lesa þetta hefur kannski engann áhuga á þessari pælingu, ertu bara ekki að eyða tímanum í eitthvað rugl með því að vera að lesa þetta blogg, ég held það